مدحت نگار میں بھی ہوں خیرالانام کا ۔ ریاض حسین چودھری

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

Naat kainaat P Riaz Hussain Chaudhry.jpg

شاعر: ریاض حسین چودھری

نعتِ رسولِ آخر صلی اللہ علیہ وآلہ وسلم[ترمیم]

مدحت نگار میں بھی ہوں خیرالانام کا

میں نے کیا ہے کام یہی ایک کام کا


پوشاکِ علم میرے قلم کو ملے حضور

اور زمزمہ عطا ہو درود و سلام کا


آندھی ہوائے شرکی چلی ہے مرے رسول!

خدشہ بہت ہے آدمی کے انہدام کا


نعتِ حضور سنّتِ پروردگار کا

لیکن جواب کیا ہو خدا کے کلام کا


جلنے لگے ہیں چشمِ تمنّا میں پھر چراغ

چھیڑا ہے کس نے ذکر مدینے کی شام کا


آہستہ سانس لے مرے جذبوں کی چاندنی

رتبہ اُنہیں ملا ہے بڑے احترام کا


اُس در کی حاضری کی تمنّا کیا کرو

جو مرکزِ نجات ہے ہر خاص وعام کا


ذکرِ خدا کے ساتھ ہو ذکرِ حبیب بھی

مقصد یہی ہے میرے سجود وقیام کا


لوحِ خیال آج بھی ویران ہے ریاض

عکس جمال دیں گے وہ نقشِ دوام کا


مزید دیکھیے[ترمیم]

نعت خوانی کے معروف کلام
نئے صفحات
اپنے تازہ کلام اس نمبر پر وٹس ایپ کریں 00923214435273

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659