مثنویات ِ محسن کاکوروی
نعت کائنات سے
Jump to navigationJump to search
مثنویات محسن کاکوروی[ترمیم | ماخذ میں ترمیم کریں]
(۱)صبحِ تجلّی(۲)چراغِ کعبہ(۳)شفاعت و نجات(۴)فغانِ محسنؔ (۵)نگارستانِ الفت
صبح تجلی[ترمیم | ماخذ میں ترمیم کریں]
’’صبحِ تجلّی‘‘ میں رسولِ مکرم ﷺ کی ولادتِ پاک کا ذکرِ جمیل بہت ہی حسیٖن اور خوب صورت شاعرانہ انداز میں کیا ہے۔ اشعار میں منظر نگاری اور مصوری کا حسن پوری شان و شوکت کے ساتھ جلوہ گر ہے۔
بیضاویِ صبح کا بیاں ہے تفسیرِ کتابِ آسماں ہے
سبزہ ہے کنار آبِ جو پر یا خضر ہے مستعد وضو پر
غنچے میں خامشی کا عالم یا صومِ سکوت میں ہے مریم
چراغ کعبہ[ترمیم | ماخذ میں ترمیم کریں]
’چراغِ کعبہ ‘ ‘' میں محسنؔ نے نبیِ کریم ﷺ کا سراپا بیان کیاہے نیز واقعۂ معراج النبی کا تذکرۂ خیر بھی کیاہے اور’’ شفاعت ونجات‘‘ میں اُخروی سرفرازی اور کامرانی کی خواہش وتمناکاشعرانہ اظہار کیا ہے۔ محسن کاکوروی کے متنازعہ اشعار بھی اسی مثنوی میں ہیں۔
عینیت سے غیرِ رب کو رب سے
غیریتِ عین کو عرب سے
ذاتِ احمد تھی یا خدا تھا
سایا کیا میم تک جدا تھا
