لمحہ لمحہ شمار کرتے ہیں ۔ محمد علی ظہوری

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

Naat Kainaat Muhammad Ali Zahoori Kasuri.jpg

مرکزی صفحہ
اردو نعتیں
پنجابی نعتیں

نعتِ رسولِ آخر صلی اللہ علیہ وآلہ وسلم[ترمیم]

لمحہ لمحہ شمار کرتے ہیں

آپ کا انتظار کرتے ہیں


ان پہ راضی خدا کی ذات ہوئی

مصطفیٰ سے جو پیار کرتے ہیں


ان کی الفت میں خوش نصیب ہیں وہ

جان و دل جو نثار کرتے ہیں


ان کے در کا فقیر ہوں، جن کی

چاکری تاجدار کرتے ہیں


میں خطا بار بار کرتا ہوں

وہ کرم بار بار کرتے ہیں


مدحتِ مصطفیٰ ہے سرمایہ

ہم یہی کاروبار کرتے ہیں


بات ان کی سدا کریں گے ہم

لوگ باتیں ہزار کرتے ہیں


ان کے غم میں ظہوری چین ملے

چارہ گر بے قرار کرتے ہیں