عکس در رسول مری چشم تر میں ہے ۔ ریاض حسین چودھری

نعت کائنات سے
Jump to navigationJump to search

Naat kainaat P Riaz Hussain Chaudhry.jpg


شاعر: ریاض حسین چودھری

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

عکس درِ رسول مری چشم تر میں ہے

آباد آئنوں کا سمندر نظر میں ہے


قدموں کی دھول سر پہ سجانے کے واسطے

خوشبو چراغ لے کے ازل سے سفر میں ہے


شبنم، دھنک، چنار، ہوا، چاندنی، سحاب

ہر حُسنِ کائنات تری رہ گزر میں ہے


ہر چیز رقص میں ہے جہانِ شعور کی

کیفِ دوام مدحتِ خیرالبشر میں ہے


ان کے قدوم پاک کی اترن کے نور سے

سورج میں روشنی تو اجالا قمر میں ہے


خورشید صبح غارِ حرا سے بلند ہو

آدم کی نسل ظلمتِ شب کے اثر میں ہے


کملی کی اُوٹ میں اسے لے لیجیے حضور

میرا چراغ تیز ہوا کے نگر میں ہے


شہرِ سخن میں اسمِ نبی کی ہے چاندنی

ورنہ کمال کیا مرے دستِ ہنر میں ہے


سب کچھ عطا کیا ہے خدا نے حضور کو

سب کچھ ریاض دامنِ خیرالبشر میں ہے


مزید دیکھیے[ترمیم | ماخذ میں ترمیم کریں]

نئے اضافہ شدہ کلام
نئے صفحات

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

Youtube channel click.png
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659