عقیدتوں کے مدینے کا تاجدار درود ۔ شاکر القادری

نعت کائنات سے
Jump to navigationJump to search


شاعر: شاکر القادری

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

عقیدتوں کے مدینے کا تاجدار درود

عبادتوں کے قرینے کا اعتبار درود


زہے نصیب کہ بزم فروغِ نعت میں ہوں

برنگِ شعر زباں پر ہے کیف بار درود


سجی ہے آج درود و سلام کی محفل

ہزار بار سلام اور صد ہزار درود


سلام چہرہ انور پہ نور بار سلام

درود گیسوئے مشکیں پہ مشک بار درود


سلام گوشۂ ابرو پہ دلنشیں سلام

درود عارضِ تاباں پہ گلعذار درود


خرامِ صبح محمد پہ خرام سلام

قیام لیل محمد پہ استوار درود


اگر نہ آلِ محمدکا ذکر ہو اس میں

نگاہِ مصطفویٰ میں ہے بے وقار درود


سلام تشنہ لبانِ فرات پر ہر دم

شہید کرب وبلا پر ہو اشکبار درود


وفورِ جوشِ مودّت سے بھیجے شاکر

ریاض آلِ محمد پہ بُربہار درود