عشق مولی میں ہوں خوں بار کنار دامن ۔ امام احمد رضا خان بریلوی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر : امام احمد رضا خان بریلوی

کتاب : حدائق بخشش

نعت ِ رسول ِ کریم صلی اللہ علیہ وآلہ وسلم[ترمیم]

عشق مولیٰ میں ہو خوں بار کنارِ دامن

یا خدا جلد کہیں آئے بہارِ دامن


بہہ چلی آنکھ بھی اشکوں کی طرح دامن پر

کہ نہیں تار نظر جز دو سہ تارِ دامن


اشک برساﺅں چلے کوچہ ءِ جاناں سے نسیم

یا خدا جلد کہیں نکلے بخارِ دامن


دل شدوں کا یہ ہوا دامنِ اطہر پہ ہجوم

بیدل آباد ہوا نام دیارِ دامن


مشک سا زلف شہ و نور فشاں روئے حضور

اللہ اللہ حلبِ جیب و تتارِ دامن


تجھ سے اے گل میں ستم دیدہ ٫ دشتِ حرماں

خلشِ دل کی کہوں یا غمِ خارِ دامن


عکس افگن ہے ہلالِ لبِ شہ جیب نہیں

مہر عارض کی شعاعیں ہیں ہ تارِ دامن


اشک کہتے ہیں یہ شیدائی کی آنکھیں دھو کر

اے ادب گردِ نظر ہو نہ غبارِ دامن


اے رضا آہ وہ بلبل کہ نظر میں جس کی

جلوہ ٫جیب گل آئے نہ بہارِ دامن


مزید دیکھیے[ترمیم]

عارضِ شمس و قمر سے بھی ہیں انور ایڑیاں | عشق مولی میں ہوں خوں بار کنار دامن | رشکِ قمر ہوں رنگِ رخِ آفتاب ہوں

امام احمد رضا خان بریلوی | حدائق بخشش