زندگی شاد کیا کرتی ہے ۔ عرش ہاشمی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر: عرش ہاشمی

نعت رسول کریم صلی اللہ علیہ وسلم[ترمیم]

زندگی شاد کیا کرتی ہے

جب انہیں یاد کیا کرتی ہے

کیسے جگمگ مرے سارے درو بام

عیدِ میلاد کیا کرتی ہے

ان کے ناعت کی سدا رحمتِ رب

آپ امداد کیا کرتی ہے

اپنے آباء کی طرح مدحِ نبی

میری اولاد کیا کرتی ہے

ہو جو ویران تو پھر خانہء دل

نعت آباد کیا کرتی ہے

یادِ سرکارِ دو عالم کی گرفت

غم سے آزاد کیا کرتی ہے

آ پ کے حکم پہ فکرِ صائب

بے دھڑک صاد کیا کرتی ہے

آپ کا فقر و غنیٰ یہ دنیا

آج بھی یاد کیا کرتی ہے

ہر ڈگر عرشؔ اطاعت کے سوا

وقت برباد کیا کرتی ہے


رسائل و جرائد جن میں یہ کلام شائع ہوا[ترمیم]

نعت رنگ ۔شمارہ نمبر 25