دل میں ہے خیال رخ نیکوئے محمد - امیر مینائی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر: امیر مینائی

نعتِ رسولِ آخر صلی اللہ علیہ وآلہ وسلم[ترمیم]

دل میں ہے خیال رخ نیکوئے محمدﷺ

اللہ کے گھر میں ہے بسی بوئے محمدﷺ


کیا رنگ تصور ہے کہ ہر سانس سے مل کر

آتی ہے ہوائے چمن کوئے محمدﷺ


لے جائے اجل جان کی پروا نہیں مجھ کو

ہے تار رگ جاں مجھے ہر سوئے محمدﷺ


آ جائے نظر راہ میں گر نقش کف پا

آنکھوں سے چلوں میں طرف کوئے محمدﷺ


تولا ہے بہت جانچ کے ارباب نظر نے

ہیں شمس و قمر سنگ ترازوے محمدﷺ


البر ہے، دل آرام ہے، دلدار ہے وہ دل

جس دل میں ہے یاد رخ دلجوئے محمدﷺ


سینے سے لگاوں میں امیر آنکھوں میں رکھوں

ہیں پھول مجھے خار و خس کوئے محمدﷺ


مزید دیکھیے[ترمیم]

امیر مینائی