دلوں کو کاسہ بناکے مانگو، حضور دیں گے ضرور دیں گے ۔ صبیح رحمانی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر: صبیح رحمانی

نعتِ رسولِ آخر صلی اللہ علیہ وآلہ وسلم[ترمیم]

دلوں کو کاسہ بناکے مانگو، حضورﷺ دیں گے ضرور دیں گے

تم اپنا دامن بچھا کے مانگو، حضورﷺ دیں گے ضرور دیں گے


جہاں سے مولا علی نے مانگا جہاں سے ہر اک ولی نے مانگا

ان ہی کی چوکھٹ پہ جاکے مانگو حضورﷺ دیں گے ضرور دیں گے


رسول اکرم کے آستانے سے مانگنے کا اُصول یہ ہے

درود لب پہ سجا کے مانگو حضورﷺ دیں گے ضرور دیں گے


کریم داتا عظیم آقا کے در پہ کوئی کمی نہیں ہے

تم اپنی آنسو بہا کے مانگو حضورﷺ دیں گے ضرور دیں گے


مجھے یہ محسوس ہورہا ہے صدا مدینے سے آرہی ہے

تم اپنا دامن پھیلا کے مانگو حضورﷺ دیں گے ضرور دیں گے