خلد مری صرف اس کی تمنا صلی اللہ علیہ والہ وسلم ۔ احمد ندیم قاسمی
نعت کائنات سے
Jump to navigationJump to search
شاعر: احمد ندیم قاسمی
نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]
خلد مری صرف اس کی تمنا صلی اللہ علیہ والہ وسلم
وہ مرا سدرہ ، وہ مرا طوبی صلی اللہ علیہ والہ وسلم
اس کا جلال ہے بحر و بر میں ، اس کا جمال ہے کوہ و قمر میں
اس کی گرفت میں عالمِ اشیا صلی اللہ علیہ والہ وسلم
کتنے صحیفے میں نے کھنگالے ، نصف اندھیرے ، نصف اجالے
تو ہی حقیقت ، تو ہی صداقت ، باقی سب کچھ صرف ہیولا
تو نے دیا مفہوم نمو کو ، تو نے حیات کو معنی بخشے
تیرا وجود اثبات خدا کا ، تو جو نہ ہوتا ، کچھ بھی نہ ہوتا
