جو بھی فدائی شہ کون ومکاں ہوا ۔ حامد حسن حامد

نعت کائنات سے
Jump to navigationJump to search


شاعر: حامد حسن حامد

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

جو بھی فدائی شہِ کون ومکاں ہوا

وہ بے نیاز گردش ہفت آسماں ہوا


لکھی ہے میں نے نعتِ نبی سیلِ اشک سے

ہر لفظ دردِ دلِ کا مرے ترجماں ہوا


کیونکر بتاؤں عالمِ تذکارِ مصطفےٰﷺ

ہر لمحہ زندگی کا، مسّرت فشاں ہوا


حاصلِ سرورو کیف ہوا ان کے نام سے

ذکرِ رسول پاک سے دِل گلستاں ہوا


لب پہ جو نام آیا رسولِ کریم کا

روشن ہوئی نگاہ تو دِل شادماں ہوا


جب آپ نے مٹا دیا رنگ ونسب کا فرق

انسان کا مقام جہاں پر عیاں ہوا


مدحَت گری میں کاوش پہیم کے باوجود

اک شعر کوئی آپ کے شایانِ شاں ہوا


حامد جو آبروّے محمد پہ کٹ مرا

دارِ فنا میں زندہ رہا جاوداں ہوا