ثنا خواں ہے گلستاں ہو کہ صحرا ہو محمد کا (Liu Yung Ven) شیدا چینی

نعت کائنات سے
Jump to navigationJump to search

شاعر: شیدا چینی

نعت ِ رسول ِ کریم صلی اللہ علیہ وآلہ وسلم[ترمیم | ماخذ میں ترمیم کریں]

ثنا خواں ہے گلستاں ہو کہ صحرا ہو محمد کا

غرض کہ ایک اک زرہ ہے گرویدہ محمد کا


نگاہوں میں ہے اس کی ہیچ عالم کی جہاں بانی

سمایا سر میں جس انسان کے سودا محمد کا


دل گیتی ہوا روشن جو نور شمع قرآن سے

رہے گا حشر تک احسان یہ پائندہ محمد کا


نگاہوں کے اندھیرے دور کر لو اے جہاں والو

فروزاں ہر طرف عالم میں ہے جلوہ محمد کا


رہ حق سے بھٹکتے دیکھ کر آج اہل ایماں کو

خدا شاہد بہت دلگیر ہے شیدا محمد کا


مزید دیکھیے[ترمیم | ماخذ میں ترمیم کریں]

بھگت کبیر | دلو رام کوثری | عرش ملیسانی | جگن ناتھ آزاد | شیدا چینی | پنڈت ہری چند اختر