تیری رحمتوں کا دریا سرعام چل رہا ہے ۔ قاسم جہانگیری

نعت کائنات سے
Jump to navigationJump to search


شاعر : قاسم جہانگیری

نعت رسول اللہ صل اعلی علیہ و سلم[ترمیم | ماخذ میں ترمیم کریں]

تیری رحمتوں کا دریا سر عام چل رہا ہے

مجھے بھیک مل رہی ہے میرا کام چل رہا ہے


میرے دل کی دھڑکنوں میں ہے شریک نام تیرا

اسی نام کی بدولت میرا نام چل رہا ہے


یہ کرم ہے خاص تیرا کہ سفینہ زندگی کا

کبھی صبح چل رہا ہے کبھی شام چل رہا ہے


تیری مستیء نظر سے ہے بہار مے کدے میں

وہی مے برس رہی ہے وہی جام چل رہا ہے


سر عرش نام تیرا سر عرش بات تیری

کہیں بات چل رہی ہے کہیں نام چل رہا ہے


اسے مانتی ہے دنیا اسے ڈھونڈتی ہے منزل

رہِ عشق مصطفٰیﷺپے جو غلام چل رہا ہے


میرے دامن گدائی میں ہے بھیک مصطفی ﷺکی

اسی بھیک پر تو قاسمؔ میرا کام چل رہا ہے


نعت خوانوں میں کلام کی پذیرائی[ترمیم | ماخذ میں ترمیم کریں]

| صناء رضا خان کی آواز میں

| عبدالروف روفی کی آواز میں

| قاری احمد رضا کی آواز میں



مزید دیکھیے[ترمیم | ماخذ میں ترمیم کریں]

قاسم جہانگیری