تھے عالی مرتبہ سب انبیاء اوَّل سے آخر تک ۔ صبیح رحمانی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر: صبیح رحمانی

نعت رسول کریم صلی اللہ علیہ وسلم[ترمیم]

تھے عالی مرتبہ سب انبیاء اوَّل سے آخر تک

مگر سرکارسا کوئی نہ تھااوَّل سے آخر تک


نکل آئیں گے حل سب مسئلوں کے چند لمحوں میں

حیاتِ مصطفےٰ کو سوچنا اوَّل سے آخر تک


اتارے جسم و جاں پر سارے موسم شادمانی کے

بدل دی شہر ہستی کی فضااوَّل سے آخر تک


جنہیں اُمّی لقب کہہ کر زمانہ یاد کرتا ہے!

وہی ہیں حاملِ علمِ خدا اوَّل سے آخر تک


فرشتوں نے مری لوحِ عمل پر روشنی رکھ دی

ثناء خوانِ محمد لکھ دیااوَّل سے آخر تک


ملی ہے کاسہء فن کو مرے خیرات طیبہ سے

مِرا دیوان ہے ان کی عطا اوَّل سے آخر تک


بہارِ نعت سے باغِ سخن لہکا صبیح ؔ ایسا

ترو تازہ رہی فصلِ نوااوَّل سے آخر تک


رسائل و جرائد جن میں یہ کلام شائع ہوا[ترمیم]

نعت رنگ ۔شمارہ نمبر 25