بزم محبوب سجانے میں مزہ آتا ہے

بزمِ سرکار سجانے میں مزہ آتا ہے

بارہا نعت سنانے میں مزہ آتا ہے

جینے مرنے کا مدینے میں مزا آتا ہے

کوچۂ شہ سے گزرنے میں مزا آتا ہے

سایۂ گنبدِخضرٰی کےحسیں جلوؤں میں

تری چوکھٹ سے لپٹنے میں مزا آتا ہے

گلشنِ زیست میں آمد سے شہِ والا کی

غنچہ وگُل کو مہکنے میں مزا آتا ہے

عشقِ سردارِ دو عالم میں یہ جانا ہم نے

دل سے دنیا کو بھلانے میں مزا آتا ہے

دیکھ کر شاہ کی بے لوث محبت ہم سے

بے طرح اشک بہانے میں مزا آتا ہے

آتشِ شوق میں جلنے سے دلِ حیراں کو

ان کی یادوں سے تڑپنے میں مزا آتا ہے

آپ کے ذکر سے اے نورِ مجسم ہم کو

روح وجاں، دل کو جِلانے میں مزا آتا ہے

ہے محمد کا، اسی واسطے لوگو ہم کو

عشق کے دار پہ چڑھنے میں مزا آتا ہے

جشنِ مولود مناتے ہوۓ آنکھوں کے چراغ

بر سرِ بزم جلانے میں مزا آتا ہے

عکس روضے کا سمیٹے ہوۓ آنکھوں میں حضور

آپ کے شہر مدینے میں مزہ آتا ہے

سوزِفرقت میں رسولِ عربی کے مجھ کو

خودبھی رونےمیں، رلانے میں مزہ آتا ہے

حسنِ صورت کا شمائل کا ہے چرچا ہرجا

اہلِ دنیا کو بتانے میں مزا آتا ہے

امتی ہیں اُسی غم خوار نبی کے ہم بھی

جس کو روتوں کو ہنسانے میں مزا آتا ہے

جس نے پایا شہ والا کی محبت کا شرف

داستاں اس کی سنانے میں مزا آتا ہے

گلشنِ فکر کی ایک ایک روش پر زینب

پھول مدحت کےکھلانےمیں مزا آتا ہے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام
بزم محبوب سجانے میں مزہ آتا ہے - زینب سروری پیکر ِ کشف و کرامات لکھوں نعت لکھوں ۔ اشرف یوسفی حرفِ ثنا میں رنگ بھرے ہیں گلاب سے - بلال ملک شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے - احمد جہانگیر	نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار ہر کوئی ان کو چہرہ ء قرآن کہہ رہا ہے - ابو الحسن خاور نعت کیا ہے - نمرہ گل خان روضہ ہے مرے سامنے گھر بھول گیا ہوں ۔ اسلم فیضی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ