اے شافع امم شہ ذی جاہ لے خبر

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش


نعت رسول کریم صلی اللہ علیہ وآلہ وسلم


از امام احمد رضا خان بریلوی


اے شافع امم شہ ذی جاہ لے خبر

للہ لے خبر مری للہ لے خبر


دریا کا جوش، ناﺅ نہ بیڑا نہ ناخدا

میں ڈوبا، تُو کہاں ہے مرے شاہ لے خبر


منزل کڑی ہے رات اندھیری میں نابلد

اے خجر لے خبر مری اے ماہ لے خبر


پہنچے پہنچنے والے تو منزل مگر شہا

ان کی جو تھک کے بیتھے سرِ راہ لے خبر


جنگل درندوں کا ہے میں بے یار شب قریب

گھیرے ہیں چار سمت سے بدخواہ لے خبر


منزل نئی عزیز جکدا لوگ ناشناس

ٹوٹا ہے کوہ غم میں پرِکاہ لے خبر


وہ سختیاں سول کی وہ صورتیں مہیب

اے غمزدوں کے حال سے آگاہ لے خبر


مجرم کو بارگاہ عدالت میں لائے ہیں

تکتا ہے بےکسی میں تری راہ لے خبر


اہل عمل کو ان کے عمل کام آئیں گے

میرا ہے کون تیرے سواہ آہ لے خبر


پُرخار راہ برہنہ پا تشنہ آب دور

مولیٰ پڑی ہے آفتِ جانکاہ لے خبر


باہر زبانیں پیاس سے ہیں آفتاب گرم

کوثر کے شاہ کثّرہ اللہ لے خبر


مانا کہ سخت مجرم و ناکارہ ہے رضا

تیرا ہی تو ہے بندہ ءِ درگاہ لے خبر



حدائق بخشش[ترمیم]

حدائق بخشش


پچھلا کلام[ترمیم]

زہے عزت و اعتلائے محمد

اگلا کلام[ترمیم]

بندہ قادر کا بھی قادر بھی ہے عبد القادر