اُنہی کا نور پھیلا ہے جدھر دیکھو جہاں دیکھو ۔ سید وحید القادری عارف

شاعر: وحید القادری عارف

نعت ِ رسول ِ کریم صلی اللہ علیہ وآلہ وسلم

اُنہی کا نور پھیلا ہے جدھر دیکھو جہاں دیکھو

اِدھر دیکھو اُدھر دیکھو یہاں دیکھو وہاں دیکھو

غلاموں کی رسائی تا بہ بزمِ قدسیاں دیکھو

کہاں سے اُن کی نسبت نے ہے پنہچایا کہاں دیکھو

اثر ہے دامنِ سرکار سے وابستہ ہونے کا

عیاں ہونے لگے کس طرح اسرارِ نہاں دیکھو

جوابِ ہر سوالِ ماضی و فردا ملا اُن سے

گماں تک بھی نہیں ایسے مٹے وہم و گماں دیکھو

بہر سو بارشِ انوارِ رحمت ہے مدینے میں

یہ ہے دربار آقا کا کہ جنت کا نشاں دیکھو

ہم اپنی تنگ دامانی سے عاجز ہوگئے ورنہ

ہے لطف و جود و رحمت کا یہاں دریا رواں دیکھو

گنہہ گار اُن کے در پر جائیں یہ حکمِ اِلٰہی ہے

وہ راضی ہوں تو پھر ہوتا ہے حکمِ کُن فکاں دیکھو

کسی صورت کسک اس درد کی کم ہو نہیں پاتی

علاجِ درد سے بڑھتا ہے کیوں دردِ نہاں دیکھو

گدائے در پریشاں حال محشر میں رہے کیوں کر

انیسِ بےکساں دیکھو شفیعِ عاصیاں دیکھو

کرم سے اُن کے اُن کی نعت ہوتی ہے رقم عارفؔ

مری بے مایگی دیکھو مرا طرزِ بیاں دیکھو

مزید دیکھیے

پچھلا کلام | اگلا کلام | وحید القادری عارف کی حمدیہ و نعتیہ شاعری | وحید القادری عارف کا مرکزی صفحہ

---

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ