اس قدر کون محبت کا صلہ دیتا ہے ۔ احمد ندیم قاسمی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر : احمد ندیم قاسمی

نعت ِ رسول ِ کریم صلی اللہ علیہ و آلہ وسلم[ترمیم]

اس قدر کون محبت کا صلہ دیتا ہے

اس کا بندہ ہوں جو بندے کو خدا دیتا ہے


جب اترتی ہے مری روح میں عظمت اس کی

مجھ کو مسجود ملائک کا بنا دیتا ہے


رہنمائی کے یہ تیور ہیں کہ مجھ میں بس کر

وہ مجھے میرے ہی جوہر کا پتا دیتا ہے


اس کے ارشاد سے مجھ پہ مرے اسرار کھلے

کہ وہ ہر لفظ میں آئینہ دکھا دیتا ہے


ظلمت دہر میں جب بھی میں پکاروں اس کو

وہ مرے قلب کی قندیل جلا دیتا ہے


وہی نمٹے گا مری فکر کے سناٹوں سے

بت کدوں کو جو اذانوں سے بسا دیتا ہے


وہی سر سبز کرے گا مرے ویرانوں کو

آندھیوں کو بھی جو کردار صبا دیتا ہے


قصر والوں سے گزر جاتا ہے چپ چاپ ندیم

در محمدﷺ کا جب آئے تو صدا دیتا ہے


شراکتیں[ترمیم]

صارف: تیمور صدیقی

مزید دیکھیے[ترمیم]

احمد ندیم قاسمی | حفیظ تائب | اعظم چشتی | مظفر وارثی