اتری ہے رقص کرتی ہوئی شبنمی ہوا

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر : ریاض حسین چودھری

اپنے تازہ کلام اس نمبر پر وٹس ایپ کریں 00923214435273

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

نعتِ رسولِ آخر صلی اللہ علیہ وآلہ وسلم[ترمیم]

اتری ہے َرقْص کرتے ہوئے شبنمی ہوا

مدحت کے پھول بن کے ہے گویا کھِلی ہوا


پڑھتے رہے درود مسلسل تمام شب

جگنو، لغت، گلاب، قلم، روشنی، ہوا


مجرم ہوں مجھ کو اُنؐ کی عدالت میں لے گئی

میرے لئے تو پھول سی ہے ہتھکڑی ہوا


کعبہ، حطیم، گنبدِ خضرا، درِ رسولؐ

پھر اس کے بعد اور کسے ڈھونڈتی ہوا


اس کو ملے تھے کیفِ حضوری کے رتجگے

میرے قلم کے ہاتھ رہی چومتی ہوا


آقا حضورؐ، کب تلک، نیزے، علم، جلوس

آقا حضورؐ، کب تلک، یہ ماتمی ہوا


باندھوں گا میں ہوا تری شہرِ حضورؐ میں

گر لے اڑی تو جرمِ ضعیفی کبھی ہوا


بستی میں خون تھوکتے بچّوں نے مانگ لی

خاکِ شفا میں لپٹی ہوئی یا نبیؐ، ہوا


لوٹا ہوں قتل گاہوں سے، آقاؐ، ابھی ابھی

نوحے لکھے گی ہچکیاں لیتی ہوئی ہوا


لکھی نہ تھی، حضورؐ، ابھی نعت آپؐ کی

میری ہتھیلیوں پہ گلستاں بنی ہوا


میں تو ازل سے آپؐ کے در کا فقیر ہوں

گمراہ کر سکی نہ مجھے آج بھی ہوا

آقاؐ کے در پہ آج کھڑی ہے بصد ادب

کل تک شریر بچی کے مانند تھی ہوا


موسم ثنا کا شہرِ غزل میں مقیم ہے

کلیاں سخن کی بانٹتی ہے آج بھی ہوا


مٹھی میں بند کرنا بھی توہین اس کی تھی

دل میں رکھی ہے اس لئے طیبہ تری ہوا


آقاؐ، ریاضؔ جاگتا رہتا ہے رات کو

کیا خوب ہو جو اس کی کرے مخبری ہوا

مزید دیکھیے[ترمیم]

اپنے تازہ کلام اس نمبر پر وٹس ایپ کریں 00923214435273

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

نئے اضافہ شدہ کلام
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
نئے صفحات