آپ سے اذن عطا ہوتاہے، بات سجھائی جاتی ہے ۔ شعیب احمد

نعت کائنات سے
Jump to navigationJump to search


شاعر: شعیب احمد

برائے : نعت رنگ ۔ شمارہ نمبر 26

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

آپ سے اذن عطا ہوتاہے،بات سجھائی جاتی ہے

نعت کہاں لکھی جاتی ہے،یہ لکھوائی جاتی ہے


یہ وہ صنف ہے جس کوفرشتے ہاتھوں ہاتھ سمیٹتے ہیں

یہ وہ چیز ہے جو سرکار کو جا کے دکھائی جاتی ہے


یہ وہ کام ہے جو کروایا جاتاہے دل والوں سے

یہ خوشبو شاداب علاقوں میں مہکائی جاتی ہے


یہ وہ کرم ہے مالک کا جو کسی کسی پر ہوتا ہے

یہ دستار محبت والوں کو پہنائی جاتی ہے


یہ احسان شعیبؔ ہے مجھ پر کالی کملی والے کا

یہ سوغات مدینے سے مجھ کو بھجوائی جاتی ہے

مزید دیکھیے[ترمیم | ماخذ میں ترمیم کریں]

زیادہ پڑھے جانے والے کلام