آئی اجل کو ٹالنے والے تمہیں تو ہو ۔ اختر الحامدی

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

شاعر: اختر الحامدی

نعتِ رسولِ آخر صلی اللہ علیہ وآلہ وسلم[ترمیم]

آئی اجل کو ٹالنے والے تمہیں تو ہو

تنکے میں جان ڈالنے تمہیں تو ہو


پُرساں جہاں میں جن کا نہ کوئی، نہ سر پرست

ان بیکسوں کو پالنے والے تمہیں تو ہو


لے ڈوبنے کو تھی جنہیں دل کی شکستگی

آقا! انہیں سنبھالنے والے تمہیں تو ہو


آتی ہے جس سے جاں تنِ بے جاں میں دفعتاً

ایسی نگاہ ڈالنے والے تمہیں تو ہو


ہر حال میں اٹھی ہے تمہاری طرف نظر

ہر حال میں سنبھالنے والے تمہیں تو ہو


آقا مدد، کہ ناوؔ مری ڈوبنے کو ہے

گرداب سے نکالنے والے تمہیں تو ہو


ہر حادثے میں تم ہوئے اختر کے دستگیر

ہر حادثے کو ٹالنے تمہیں تو ہو